Германска експедиција на Арктикот постави истражувачки камп на ледена санта

Тим научници од Германија избраа санта мраз за да постават истражувачки камп со сите мерни станици за да спроведат едногодишна меѓународна експедиција за истражување на Арктикот, пренесува германскиот институт Алфред Вегенер. Експедицијата работи под името „Мозаик“.

По повеќедневното пребарување, научниците пронајдоа соодветна санта мраз од 2,5 км на 3,5 км на Арктичкото Море северно од Русија што ќе служи како нивна база, соопшти институтот.

„Ова можеби не е совршена санта мраз, но е најдобра во овој дел на Арктикот и ни обезбедува подобри услови за работа отколку што очекувавме по топлото лето на Арктикот“, рече шефот на мисијата Маркус Рекс.

Изборот на вистинската санта мраз е клучен за нашиот план, а тоа е да му овозможиме на бродот на експедицијата Поларстерн да плови во зима со помош на струјата, кога ледениците не успеваат да навлезат толку длабоко во централниот Арктик.

Ќе мора да почекаме малку и да видиме дали нашата „поддршка“ е стабилна доволно за да ги издржи есенските бури што сега почнуваат “, рече Рекс, додавајќи дека членовите на тимот се „подготвени за сите сценарија “.

„Добро се подготвивме за истражување на глечерите и ледените брегови. Имено, секоја научна станица има свое место“, напишале научниците на нивниот блог.

Експедицијата чини околу 140 милиони евра, со триста научници од 19 држави низ целиот свет, вклучувајќи ги Германија, САД, Русија, Велика Британија, Франција и Кина. Нивната цел е да соберат податоци од далечниот и неодржлив север за подобрување на научните модели кои придонесуваат за разбирање на Арктикот и климатските промени.

Научниците ќе направат напор да го истражат климатскиот систем на централниот Арктик во текот на едногодишниот проект.

Во понеделникот тие објавија дека направиле дупка во мразот и дека наскоро ќе ги започнат своите први океанографски мерења.

„Ледената плоча е многу динамичен систем“, изјави портпаролката на Институтот Алфред Вегенер во Бремерхавен, Германија. „Понекогаш мразот се движи, а понекогаш се распаѓа“.

Првата смена на вработените во мразот е закажана за средината на декември.

На крајот на ноември, од Тромс на крајниот север на Норвешка се лансира брод за снабдување со гориво и свежа храна за членовите на истражувачката станица.