Дали е Арктикот темпирана метанска бомба?

Ослободувањето на јаглерод од замрзнатото земјиште, кој се собирал во земјата илјадници години, може драстично да ја загрее нашата планета. Тоа во што научниците не се сигурно, е дали ослободениот јаглерод ќе биде јаглерод-диоксид, или уште поопасен метан, кој произведува ефект на стаклена градина, наведува “Popsci”.

Пермафростот е земјиште кое е замрзнато цела година. Илјадници години билките и животните умирале, а со замрзнувањето на обогатеното земјиште се заклучувал и јаглеродот во него.

Кога пермафростот ќе се одмрзне, микробите се во состојба да ја разградат неговата органска материја. Во влажното земјиште кое е збогатено со кислород, оваа органска материја во главно се претвора во јаглерод-диоксид. Во влажни услови со малку кислород, наместо тоа се претвора во метан, кој ја загрева планетата 86 пати повеќе од јаглерод диоксидот.

Дури и ако не почувстуваме нагло зголемување на метанот, тоа не значи дека Арктикот не е во ризик да стане главен извор на јаглерод. Пермафростот и натаму се губи поради климатските промени. Дури и ако во главно се претвора во јаглерод-диоксид, тоа е уште многу емисија од тоа земјиште. Повеќе јаглерод-диоксид од метан не мора да значи дека е подобро, со оглед на тоа јаглерод-диоксидот долго опстојува во атмосферата, се задржува и ја загрева планетата подолго од метан.