Под мотото „Еден свет – заедно дома“, вечерва преку 70 светски ѕвезди ќе настапат од дома на најголемиот онлајн концерт што го организираат Лејди Гага и организацијата „Глобал ситизен“. На концертот, што почнува во 20 часот, ќе настапат и Били Ајлиш, Пол Макартни, Рита Ора, Елтон Џон, Џенифер Лопез, Џон Леџенд, Тејлор Свифт, Малума, Луис Фонси, Мајкл Бубле и многу други.
Лејди Гага и организацијата „Глобал ситизен“ веќе собраа 35 милиони долари за борбата против коронавирусот, а парите се наменети за Светската здравствена организација (СЗО).
„Пред сѐ, треба да ги славиме луѓето што се во првите борбени редови – здравствените работници!“ рече Лејди Гага на видео-конференција пред неколку дена. Таа додаде и дека целта на онлајн концертот не е собирање парични средства, туку да се потенцира важноста на човековата издржливост и храброст и кога е најпотребно, да се остане дома.
Текстот (Во живо) Најголем концерт од дома на Лејди Гага и 70 светски ѕвезди е превземен од Reporter.mk.