Најпопуларниот бој-бенд од 1980те години, New Kids on the Block сними нов сингл по 12 години. Песната Home Party е снимена во добротворни цели, за да го крене духот и да се соберат пари во борбата против коронавирусот. Освен момците од бендот, во песната гостуваат и Boys II Men, Џордин Спаркс и уште неколку музичари.
„Разговаравме со фановите, тие прашуваа за нови песни и јас им реков дека можеби некој од нашите пријатели музичари го слуша ова и ќе ни испрати музика. Буквално, еден час подоцна во мојот телефон имаше порака, музика, и јас седнав и почнав да ја пишувам House Party“, рече Дони Валберг, член на бендот, во разговор со „Си-ен-ен“.
Стиховите одговараат на сегашноста кога многумина се самоизолираат. Песната, пак, треба да ве натера да станете и да заиграте, вели Дони. Песната почнува со порака: „За оние што го губат умот, треба да се сетите дека и во најлоши времиња можеме да направиме да ни е најдобро“. Средствата од продажбата на песната преку унтернет ќе одат во непрофитната организација „Да нема гладни деца“, чија цел е да се спречи глад на децата среде пандемијата со коронавирусот.
За потсетување, бендот од Бостон беше првиот бој-бенд што доживеа светска слава. Џордан и Џонатан Најт, Џои Мекинтајар, Дони Валберг и Дени Вуд првиот сингл го снимија 1985 година и постоеја како група д 1994. Групата се реоформи во 2007 година, а следната година го издадоа нивниот последен албум. Пред шест години New Kids on the Block добија своја ѕвезда на Холивудкската патека на славните.
Текстот (Видео) New Kids on the Block снимија нова песна по 12 години е превземен од Reporter.mk.