(Видео) Се судрија авион и хеликоптер над Алпите

Четири лица загинале, додека двајца се повредени, откако туристички авион се судри со хеликоптер во Аостинската Долина на Алпите, пренесува агенцијата Afaritaliani.

Најмалку шестмина имало во хеликоптерот и авионот, кои паднале во близина на глечерот Рутор. Ова го изјавил претставник од локалните служби за вонредни ситации за „Спутник“. Туристичкиот авион и хеликоптерот летале на околу 10.000 стапки во моментот на падот.

Хеликоптерот со членови од спасувачкиот алпски тим и медицински персонал, веднаш биле упатени на местото на инцидентот. Потрагата по преживеаните е во тек.