Најбогатиот човек на светот и основач и сопственик на компанијата „Амазон“, Џеф Безос, со својата нова девојка, водителката Лорен Санчез размислуваат да купат вила во Бел Ер, вредна 88 милиони долари.
Безос и Лорен еден час го разгледувале дворецот во кој има 9 спални соби, 15 купатила, домашно кино, уметничко студио, вински подрум и базен.
Членови од тимот за недвижности велат дека вилата нуди спектакуларен поглед на Лос Анџелес и има прекрасна градина на кровот. Од агенцијата за недвижности објаснуваат дека кога Безос и Лорен прв пат ја разгледале оваа куќа, сето тоа го направиле во тајност, затоа што јавноста тогаш не знаела за нивната врска.
Тогаш морале да бидат потпишани и документи за тајност на податоците, а на некои од агентите не им било дозволно да разговараат со Безос и неговата љубовница, пишуваат светските медиуми.
Во друштво на оваа двојка бил и братот на Лорен, Мајкл, кој подоцна беше обвинет дека ги известил медиумите за нивната врска. Безос и Санчез во моментот се разведени од своите сопружници, па наводно планираат да започнат заеднички живот.
Безос пред неколку месеци објави дека се разведува од сопругата Мекензи, по 25 години брак.
Текстот (Фото) Џеф Безос и Лорен Санчез разгледуваат вила во Бел Ер вредна 88 милиони долари е превземен од Reporter.mk.