Драгана Мирковиќ му честита роденден на Жан Клод Ван Дам, тој го објави видеото на „Фејсбук“

Глумецот Жан Клод Ван Дам, најпознат по улогите во акционите филмови, на својот фејсбук профил ја сподели роденденската видео-честитка што му ја испрати фолк-пејачката Драгана Мирковиќ. „Среќен роденден брату“, вели пејачката во пораката.

„Драги пријатели, ви благодарам на убавите честитки. Еве уште една честитка од мојатадобра пријателка, прекрасната Драгана Мирковиќ“, напиша тој покрај нејзиното видео.

Освен честитката од Мирковиќ, тој со своите фанови ја сподели само уште честитката што ја доби од актерот Силвестер Сталоне.

Белгиецот Ван Дам на 18 октомври наполни 58 години. Тој и Драгана се запознаа пред многу години, но повторно се сретнаа недеодамна во Турција, на избор за убавина, каде што и двајцата беа членови на жирито. Тогаш на своите социјални мрежи објавија неколку заеднички слики, а продолжија да се дружат и да си оставаат коментари на бројните објави на „Фејсбук“.

Текстот Драгана Мирковиќ му честита роденден на Жан Клод Ван Дам, тој го објави видеото на „Фејсбук“ е превземен од Reporter.mk.