Глумицата Никол Кидман и пејачката Пинк донирале по 500.000 долари помош за противпожарните служби во Австралија, кои секојдневно се борат со пожарите кои ја зафатија земјата.
Светските медиуми пренесоа дека и домот на холивудската актерка во Австралија е под закана целосно да изгори.
„Целото мое внимание е насочено кон настаните што се случуваат во Австралија. Моето семејство е со молитви за сите оние кои се погодени од огнот во земјата“, напишала Никол на социјалните мрежи, дополнувајќи дека таа и нејзиното семејство донирале 500.000 долари за помош на противпожарните служби.
Целата земја е погодена од големи пожари, во кои досега животот го загубија 23 лица. 12.3 милиони акри земја се изгорени, а повеќе од 1500 домови беа уништени.
Истата сума на пари ја донираше и пејачката Пинк, која вели дека нејзиното срце и молитви е со нејзините пријатели и семејства во Оз.
„Целосно сум уништена гледајќи ги пожарите и сето она што се случува во Австралија. Затоа донирам помош за противпожарните служби, за да можат полесно да се справат со оваа природна непогодба“, изјавила Пинк.
Текстот Никол Кидман и Пинк донирале по 500.000 долари за борба против пожарите во Австралија е превземен од Reporter.mk.