Од 10 до 12 октомври годинава во домот „Ацо Шопов“ во Штип ќе се одржи 34. издание на фестивалот на забавни мелодии „Макфест 2019“.
Биба Додева, Александар Ристовски – Принц, Александар Митевски со актерот Дац, Елена Петреска, Даниел Дан, Коки и Тајфата, Симона Поповска се дел од пејачите кои ќе се појават на сцената.
По повеќе од две децении на „Макфест“ ќе настапи Росана Сариќ-Тодоровска. Прв пат ќе пејат и девојките од групата „Фрајле“, кои ќе се натпреваруваат во втората полуфинална вечер, со песна на македонски јазик.
„Се е подготвено за годинашниот „Макфест“. Ги избравме песните и учесниците и сигурен сум дека и годинава ќе имаме можност да слушнеме добри композиции, одлични пејачи со модерни сценски настапи“, рече на денешниот прес директорот на фестивалот Владимир Дојчиновски.
Текстот По две децении Росана се враќа на „Макфест“ е превземен од Reporter.mk.