Холивудската легенда Дорис Деј почина денес на 97 години во нејзиниот дом во Кармел, Калифорнија. Според филмските критичари, таа беше една од најголемите холивудски ѕвезди на сите времиња.
Дорис Деј беше пејачка и глумица која се прослави во 1950-tiте со улогите во филмски драми, мјузикли и комедии.
Фондацијата Дорис Деј потврди дека глумицата починала рано утрово и соопшти дека била опкружена со блиски пријатели.
„Деј беше во одлично физичко здравје за нејзина возраст, сè додека неодамна не доби пневмонија, што резултираше со нејзина смрт“, соопшти фондацијата.
Деј ќе остане запаметена по филмовите „Шепотење на перница“ и „Тој нежен допир на крзното“ и песните како „Whatever Will Be, Will Be (Que Sera, Sera)“ од филмот на Алфред Хичкок „Човекот што знаеше премногу“.
Текстот Почина холивудската легенда Дорис Деј е превземен од Reporter.mk.