Судот го потврди обвинението, на Тони Цетински му се заканува казна затвор

Познатиот хрватски пејач Тони Цетински се соочува со затворска казна од осум години, откако денеска Општинскиот суд го потврди обвинението против него за предизвикана сообраќајна несреќа со смртни последици.

Пејачот предизвика сообраќајка во ноември 2017, во која почина 62-годишниот Ибрахим Кевљанин од Ровињ.

Во обвинението стоело дека тој возел брзо и дека невнимателно влегол во кривината без да биде сигурен дали може да помине на безбеден начин во еднонасочната улица.

Притоа не обрнал внимание на пешакот кој лежел на улицата со нарушено здравје поради срцева болест и кој бил во тешка алкохолизирана состојба.

Цетински поминал преку неговото тело, по што човекот починал, пишува во обвинението што го пренесоа хрватските медиуми.

Обвинението против Цетински беше поднесено на 31 декември 2018 година.

Судот го потврди обвинението, на Тони Цетински му се заканува казна затвор was last modified: March 6th, 2019 by Љубисав Владимиров

Текстот Судот го потврди обвинението, на Тони Цетински му се заканува казна затвор е превземен од Reporter.mk.