Слободан Угриновски, таткото на поранешниот пејач Никола Угриновски – Угро и претседател на партијата Титови леви сили, почина вчера, потврди пејачот. Пејачот преку „Фејсбук“ се прости од татка си и му се заблагодари за сè што направил за него во животот.
„Почитувани роднини, пријатели и сите останати, со огромна болка и тага ви соопштувам дека татко ми, Слободан Угриновски, ненадејно почина ноќеска. Погребот ќе биде денеска и ќе биде извршен закопот на посмртните останки на гробиштата во Бутел. Стари, фала за сè и збогум, твојот син“, напиша Угро.
Слободан Угриновски беше долгогодишен претседател на Титови леви сили, македонска вонпарламентарна комунистичка политичка партија, која беше основана на 26 октомври 2005 година.
Текстот Угро се прости од починатиот татко е превземен од Reporter.mk.