Пејачката Наталија Славева вчера ја промовираше кавер-верзијата на песната Shallow на Лејди Гага. Песната од хит-филмот „Ѕвездата е родена“ ја воодушевила Наталија, исто како и љубовната приказна на филмот, па за „Репортер“ вели дека веднаш посакала да ја препее.
„Откако со моето момче Александар го гледавме филмот, двајцата бевме импресионирани од сентименталната балада. Затоа решивме да направиме нова верзија со нов аранжман. За аранжманот и аудио продукцијата се погрижи Иле Спасев, а видеото го снимивме во студиото ‘Ентерпрајз’, во режија на ‘Фабрика продукција“, ни откри Наталија.
Таа вели дека сака новата верзија да ѝ се допадне на публиката.
„Се надевам дека со оваа песна ќе придонесеме за поубава празнична атмосфера“, додава таа.
(А.Ј)
Текстот (Видео) Наталија Славева преработи хит-песна од Лејди Гага е превземен од Reporter.mk.