Претседателот на Нигерија негира дека бил заменет од клон

Претседателот на Нигерија, Мухамед Бухари, ги негирал тврдењата дека починал и дека е заменет од страна на клон, пренесува „Си-Ен-Ен“. Тој ваквите шпекулации ги нарекол „игнорантски гласини“.

За време на посетата на Полска, Бухари на социјалните мрежи напишал дека ваквите шпекулации не се никакво изненадување и дека истото сценарио се повторило и минатата година кога бил на медицински третман во Британија и дека во тој период голем број на луѓе се надевале дека починал.

Бухари добар дел од 2017 година ја минал во Лондон, каде бил подложен на медицински третман. Во еден период тој бил надвор од земјата дури три месеци.

Бухари на „Фејсбук“ и „Инстаграм“ напишал дека верувањето на голем број на луѓе дека тој починал, било причина овие групации да побараат од потпретседателот на Нигерија Јеми Осинбајо, да го замени на местото претседател.

One of the questions that came up today in my meeting with Nigerians in Poland was on the issue of whether I‘ve been cloned or not. The ignorant rumours are not surprising — when I was away on medical vacation last year a lot of people hoped I was dead. pic.twitter.com/SHTngq6LJU

— Muhammadu Buhari (@MBuhari) December 2, 2018

„Тоа ме посрамоти многу. Дискутиравме на оваа тема кога се сретнавме во Краков“, изјавил Бухари.

Осинбајо побарал одговор од Бухари за потврда на неговиот идентитет.

„Можам да ве уверам дека ова сум вистинскиот јас. За кратко време ќе го прославам мојот 76 роденден. И сеуште сум силен“, изјавил Бухари.

Претседателот на Нигерија бил во посета на Полска каде учствувал на конференцијата на Обединетите нации за климатските промени. Бухари бил избран за претседател на Нигерија, во 2015 година. Станува збор земја со најголемата економија и производител на нафта.

Поранешниот генерал Бухари успеал да стане претседател во неговиот четврти обид за избор на лидер, откако во 1985 година му беила одземена моќта.

Текстот Претседателот на Нигерија негира дека бил заменет од клон е превземен од Reporter.mk.