САД по грешка објавиле таен документ, Вашингтон планира да победи во нуклеарна војна

Документ од Пентагон во кој е објаснета доктрината на САД за нуклеарна операција, неделава станал јавно достапен за кратко време, а веднаш потоа бил отстранет од мрежата и било невозможно да се дојде до него.

Подоцна американските служби изјавиле дека овој документ бил само за „официјална употреба“. Во документот е наведен податок за тоа како Вашингтон би се однесувал во случај на нуклеарна војна, поточно како би се однесувал кога би излегол како победник од таа војна.

„Нуклеарните операции“, или Заедничка публикација 3-72, излегле во јавноста на 11 јуни, а подоцна пристап до истиот документ бил овозможен само за одреден круг на службеници. Но, пред да биде тргнат документот, истиот го превземал Стивен Афтергуд, активист од Федерацијата на американски научници (FAS).

Во моментов е достапен на веб страницата FAS како пдф документ. Публикацијата овозможува основни начела и насоки за планирање, извршување и проценка на нуклеарните операции.

Афтергуд на својот „Твитер“ коментирал дел од документот:

„Користењето на нуклеарно оружје би можело да создаде услови при одлучувањето на резултатите и обнова на стратешката стабилност“, стои во документот пред да биде тргнат од мрежата.

„Таквото размислување може да биде опасно“, изјавил Афтергуд.

Можеби, задачата на американската војска била да ги разгледа сите можности при нуклеарна војна, а одлуката за употреба на нуклеарно оружје на крај да заврши во цивилни раце, или во овој случај, претседателот Доналд Трамп.

Управата на Трамп посветила големо внимание по однос на нуклеарните прашања. Минатата година ги ажурирала  податоците за „Преглед на нуклеарната состојба на САД“ и издвоила средства за модернизација на американските „нуклеарни тријади“ – бомбардери, копнени ракети и подморници.

Но, Трамп исто така објавил дека САД ќе го напушти договорот за средни нуклеарни сили, (INF) од 1987 година, направен со Русија, до следниот месец. Судбината на договорот за контрола на вооружување New START со Русија, кој ќе истече во февруари 2021 година, во голема мера се однесува на воздушниот простор.

Во такви околности, доктрината „заеднички наредбодавател“ во која е наведено дека користењето на нуклеарно оружје може да создаде услови за „одлучувачки резултати и обнова на стратешката стабилност“, може да се земе како причина за узбуна и тоа со добра причина.

Во документот се опишани нуклеарните бомбардери кои нудат најголем степен на флексибилност во тријадата, затоа што можат да се покажат како добар и видлив знак за разрешување кога би дошло ситуација да се нареди нуклеарен напад. Истите можат да бидат и тоа како искористени смета Афтергуд.

Оваа реченица може да се земе како обична изјава, но кога ќе се разгледа присутноста на стратешките бомбардери B-52 на руските граници, кои таму се поставени претходно оваа недела, тоа веќе почнува да звучи како закана.

На прашањето за документот, началниците на Генералштабот изјавиле дека истиот е тргнат, затоа што е утврдено дека оваа публикација, како што е случај и со другите заеднички публикации, треба да биде само за службена употреба. Нема објаснување зошто овој документ е објавен на јавно место.

Можеби станува збор за грешка или намерен пропуст на други влади. Во април Трамп дал коментар за отстранување на нуклеарното оружје и се шпекулираше за договор за контрола на вооружувањето со Русија и Кина.

Со оглед на неговата моментална трговска војна со Пекинг и континуираното непријателство со Русија и барем делумно поттикнатите теории на заговор по дома, необјасниво е дали таквиот договор некогаш ќе биде нешто повеќе од пуста надеж и сон на американската војска да го искористи нуклеарното оружје.

САД е единствената земја која користела нуклеарно оружје во борба, против јапонските градови Хирошима и Нагасаки во 1945 година. Ниту еден од тие градови не бил примарна воена цел.