Познатата американска раперка Карди Би вели дека на познатите лица им се плаќа да зборуваат по социјалните мрежи дека се заразени со опасниот вирус, коронавирус. Ваквите теории на заговор ги почна токму таа, откако објави видео во кое со пријателите го сподели своето мислење.
„Замислете јас да имам коронавирус. Како би знаела дека сум заразена? Велат дека сувата кашлица е симптом, па ако некој се закашла, ќе помислам дека е заразен. Сепак, многу кошаркари велат дека се позитивни на коронавирусот, иако немале никакви симптоми. Како тие знаеле дека треба да се тестираат? Мислам дека на познатите лица им се плаќа за да лажат. Сакам и јас некој да ми плати и на мене“, вели во видеото Карди.
На ваквите теории на заговор се огласи и познатиот британски глумец Идрис Елба, кој неодамна преку социјалните мрежи објави дека е заразен со коронавирус. Сега преку видео ги негираше теориите на заговор кој почнаа да ги шири Карди, за тоа дека му било платено за да лаже дека е заразен од коронавирус.
„Идејата на некој како мене му биде платено да лаже дека е заразен од коронавирус е апсурдна. Тоа е толкава глупост и лага, а луѓето ја пренесуваат како да е вистинита. Не ја гледам тука логиката“, изјавил Елба, кој остана во изолација заедно со неговата сопруга Сабрина, која додаде дека се чувствува како да е заробена.
Сабрина одби да се изолира и остана со својот сопруг. Потоа откри дека и таа е позитивна на вирусот. Самиот Идрис во видеото објасни дека и тој бил зачуден кога дознал дека има коронавирус, затоа што немал никакви симптоми.
„Интересна, но и загрижувачка е идејата дека луѓето можеби се заразени од коронавирус, но не ги чувствуваат симптомите“, изјави Елба.
Претходно тој и неговата сопруга се обратија преку социјалните мрежи и кажааа дека веднаш се повлекле во самоизолација кога дознал дека е заболен од коронавирус. Сега вели дека се чувствува добро, дека се дистанцира од луѓето и често мие раце. Тој порача луѓето да бидат внимателни и да останат дома.
Текстот (Видео) На познатите им се плаќа да зборуваат дека имаат коронавирус, вели раперката Карди Би е превземен од Reporter.mk.