Џеф Безос ќе носи туристи на прошетка во Вселената (ВИДЕО)

Ракетната компанија „Блу ориџин“ (Blue Origin) на Џеф Безос, сопственик на „Амазон“ и најбогат човек на светот, ќе учествува следната година на патување во вселената.

Цената ќе биде меѓу 200 000 и 300 000 долари, а патниците ќе ги пренесува со ракетата „Њу шепард“. Всушност, првото патување се очекува со нетрпение за да се процени дали има интерес за патување во вселената и дали има заинтересирани клиенти кои би можеле да си дозволат ваква авантура.

Ракетата „Њу шепард“ може самата да носи шест патници на висина од 100 километри и да помине неколку минути во бестежинска состојба и да ужива во погледот на Земјата пред да се врати на неа со помош на падобрани. Прозорците на капсулата се речиси трипати повисоки од оние на „боингот 747“.