NASA: Вo сабота Земјата ќе биде изложена на сериозна закана од Вселената (ВИДЕО)

Голем астероид, долг околу еден километар, опасно ќе се приближи до нашата планета вo сабота, 15 февруари, објави NASA

Проценките велат дека е потенцијално катастрофален, затоа што во случај на удар, карпа со таква големина би можела да убие милиони луѓе во поширокиот регион и да предизвика трагедија на глобално ниво.

Астероидот со кодно име “2002 ПЗ39” патува со брзина поголема од 50.000 километри на час.

NASA објави дека треба да биде во точка најблизу до нашата планета в сабота во 11 часот и пет минути претпладне.

Проценетите димензии на вселенската карпа се 990 на 440 метри, големина чие влијание, како стандард, остава значителни последици.

„Ако објект поголем од 25 метри, а помал од еден километар, удри на Земјата, тоа веројатно ќе предизвика локална штета во областа на ударот.

Секое поголемо небесно тело, со волуменн од еден до два километра, би можело, сепак, да има глобални ефекти”, наведува NASA.

Астеродидот ќе помине на оддалеченост од Земјата од 5,77 милиони км. За експертите тоа значи дистанца која ги изложува луѓето на потенцијална опасност.

NASA посочува дека откако, најверојатно, ќе ја заобиколи Земјата, астероидот” 2002 ПЗ39″ ќе продолжи по Сончевиот систем и ќе појде кон Венера, на која би требало да се приближи на 14 јуни 2034 година.

Но тој датум нема да значи и трајна разделба со Земјата, бидејќи истиот астероид од Венера повторно ќе се врати кон нашата планета.