Мексиканските археолози објавија дека успеале да го пронајдат првиот храм Шипе-Тотек, посветен на богот на плодноста и војната. Овде се верува дека биле изведувани обреди со жртвување на затвореници на кои им била отстранувана кожата од телото.
Урнатините на верските објекти се пронајдени во областа на градот Теукан. Основниот објект има пирамидална база, на југ и север од него има два жртвеници. Научниците веруваат дека храмот бил користен меѓу 1000 и 1260 година. Шипе Тотек го обожувале народите кои живееле во централно и западно Мексико, како и во Мексиканскиот Залив. Богот бил одговорен за неколку важни области: земјоделство, промена на годишните времиња, циклус на животот и смртта, војната и болестите на органите за вид.
Според истражувачите, обредите на обожување на богот биле одржувани во деновите на пролетната рамноденица, а свештениците ја раскинувале кожата на заробениците, а потоа ја носеле некое време. Потоа истата била палена во подножјето на жртвениците.
За време на ископувањата биле пронајдени три камени скулптури на Шипе-Тотек.
Текстот Пронајден храмот на древниот ацтешки бог е превземен од USB.mk.