На 20 јули 1969 година астронаутите од „Аполо 11“, Нил Армстронг и Баз Олрдин, успеале први да зачекорат на Месечината. Барем така било претставено. Меѓутоа, мал број луѓе веруваат дека слетувањето на Месечината било измама снимена во Холивуд. Меѓу доказите дека станува збор за измама се и видеоснимките на кои не се гледаат ѕвезди на небото. Како холивудските продуценти биле толку невнимателни снимајќи ја нивната измама? Всушност, постои прилично необично објаснување. Поставките на камерата не биле приспособени за да ги фатат во кадар.
Ако сакате да фотографирате пријател на директна сончева светлина, ќе ги приспособите поставките на вашиот фотоапарат на два начина. Ќе го стесните отворот, со што областа за собирање на светлината ќе биде мала и ќе избегнете преголема светлина. Ќе ја забрзате брзината на блендата, така што сензорот на фотоапаратот ќе ја пушти светлината само за кратко. Ако сакате да направите фотографија од пријателот навечер, веројатно ќе ја намалите брзината на блендата и ќе го проширите отворот за да пуштите доволно светлина за добра фотографија.
Но што ако вашиот пријател е осветлен навечер? Тогаш ќе изберете што сакате да има на вашата фотографија. Ако сакате да ги вклучите и ѕвездите на небото, ќе треба вашиот пријател да стои доста мирно за да избегне замаглување на фотографијата додека бавната бленда и отворот пуштаат доволно светлина. Ако отворот е мал и брзината на блендата е голема, тогаш ќе направите остра, светла слика, но небото ќе биде темно бидејќи нема доволно светлина во леќата.
Токму тоа го направиле и астронаутите на „Аполо“. Небото на Месечината е црно навечер, не затоа што е ноќ, туку затоа што нема атмосфера за „расфрлање“ на дневната светлина онака како што има на Земјата. Најважно било да се фати сценографијата на Месечината на фотографиите на „Аполо“, па камерата била приспособена да се извлече максимумот од таа сценографија. Како резултат на тоа, релативно слабите ѕвезди во заднина не биле фатени во ниту една слика. Не е измама, туку само трик на леќата на камерата.
Текстот Зошто нема ѕвезди на фотографиите од слетувањето на Месечината? (ВИДЕО) е превземен од USB.mk.