Легендарниот стадион „Сан Сиро“ во Милано ќе биде заменет со нов, откако италијанските власти не дадоа приговор за негово уривање.
Стадионот што го делат фудбалските клубски великани Милан и Интер, е изграден во 1926 година, но властите кажаа дека тој нема архитектонско, културно и историско значење за да биде заштитен.
„Сан Сиро“ е името на стадионот кога како домаќин игра клубот Милан, додека кога игра Интер, истиот стадион е наведен под името Џузепе Меаца.
Inter Milan’s Marco Materazzi (L) and AC Milan’s Manuel Rui Costa waits on the pitch as supporters throw flares onto the pitch during their Champions League quarter-final second leg soccer match at the San Siro Stadium in Milan April 12, 2005. REUTERS/Stefano Rellandini
Двата клуба уште лани поднесоа барање за изградба на нов стадион со 60.000 седишта, вреден 1,2 милијарди евра. Планирано е тој да биде подготвен за сезоната 2022/23.
„Сан Сиро“ бил подложен на низа трансформации откако е изграден и останати се само мали делови од оригиналниот проект, па било заклучено дека нема основа за негово зачувување. Наспроти ова, градоначалникот на Милано, Џузепе Сала, сака да го реновира сегашниот стадион.
Овој стадион беше домаќин на четири европски финалиња и на шест натпревари од Светското првенство 1990 во Италија.
Текстот Италијанската влада го одобри уривањто на стадионот „Сан Сиро“ е превземен од Reporter.mk.