Откриени тајните за патниците од последниот чамец на Титаник

Бродоломот кој го доживеа Титаник на 14 април 1912 година, по сударот во ледениот брег и потонувањето во Атланскиот океан, е една од најголемите помоски катастрофи.

По откривањето на Титаник на дното на океанот, бил направеен увид и истражување за катастрофата. Потоа биле добиени нови детали за настаните во ноќта на потонувањето.

Во едно од истражувањата била откриена судбината на луѓето во еден од чамците за спасување. Фотографиите кои неодамна биле објавени, со години биле криени од јавноста поради нивната деликатност и почит кон жртвите.

Чамецот „Colapsibl A“, бил последниот кој го напуштил Титаник. Тој не бил спуштен од бродот, туку во општата атмосфера на паника и хаос, бил само фрлен кога Титаник почнал вертикално да тоне. Луѓето очајнички се обидувале да се качат на него, но само четворица успеале во тоа.

Тој дрвен чамец за спасување бил пронајден дури по месец дена, поточно на 13 мај и бил оддалечен околу 200 милји од местото каде Титаник потонал. Го открил бродот RMS Океаник, а сликата која ја затекнале ги шокирала морнарите.

На бродот се наоѓале и полураспаднатите тела на двајца пожарникари од Титаник и тела на еден патник од прва класа Томасон Бити и еден патник од трета класа Едвард Лендла. Тој бил облечен во свечен смокинг, а на дното на чамецот бил пронајден прстен со гравирани зборови „Edvard tu Greda“, последниот останат предмет од брачната двојка која настрадала во несреќата.

Фотографиите од чамецот ќе се најдат на аукција, заедно со страшниот рачно напишан извештај за состојбата на пронајдените жртви. Во извештајот меѓу останатото пишува дека телата на жртвите биле толку распаднати, што раката на еден од нив паднала додека се обиделе да го кренат.

Зачуваното писмо го напишал патник на РМС Океаник, кој заедно со другите патници ја следел целата слика од палубата користејќи двоглед. Едвард работел во фабрика за чевли како физички работник, но со сопругата Герда одлучил да си ја проба среќата во САД.

Кобната вечер биле на палубата со еден шведски пар, кого го запознале таа вечер. Додека Герда веднаш потонала, Едвард успеал да се качи на чамецот. Но, умрел само половина час потоа. Прстенот кој го пронашле, го дале на семејството на Герда.

Томасон Бити бегал од зимата, а токму студот бил тој кој го убил. Овој богат ерген се преселил од родната Канада во Франција поради љубовта кон Европа и нејзината блага клима. Сакал да остане во Франција колку е можно подолго, но неговиот сопатник се разболел, па во последен момент резервирал карта за Титаник. На својата мајка и јавил дека се враќа со „непотонлив брод“, и дека скапо ја платил кабината во прва класа.

Кога Титаник удрил во ледената санта мраз, тој се нашол меѓу првите во ледената вода. Со температура на водата од 2,2 степени просечно време за да преживее возрасна личност е 15 минути. Томасон го послужила среќата и успеал да се качи на „Colapsibl A“, очекувајќи дека тука ќе биде сигурен. Но, ни тој ниту останатите не успеале да го дочекаат спасувачкиот брод.

Текстот Откриени тајните за патниците од последниот чамец на Титаник е превземен од Reporter.mk.