Можете ли да ги замислите новогодишните и божикните празници без елка? Накитената елка е неизбежна во овој период од годината. И иако повеќето луѓе избираат вештачка елка, природната има посебна магија. Но, за таа да изгледа одлично, обрнете внимание на некои детали при купувањето.
Смрека
Најпопуларната елка е норвешката смрека. Има витка и прилично правилна круна. Дрвото е со зелена боја и има пријатен, смолест мирис. За жал, смреката прилично брзо ги губи игличките (после 1,5 недели). Покрај тоа, иглите се кратки (1-2 см), цврсти така што може да се залепат за тепих или некој друг текстил.
Сребрена смрека
Доаѓа од планините во Северна Америка. Обилната смрека има широка круна, поради што треба да ја поставите во некоја пространа соба. Сребрено-зелените иглички се долги 2-3 см и се бодликави. Оваа смрека ги држи игличките дома многу подолго, дури и неколку недели. За жал, бодликавата смрека има само благ мирис, што може да биде и нејзин недостаток.
Елката од Кавказ
Оваа елка е во мода од неодамна. Тоа е воедно и најскапото божиќно дрво. Неговите главни предности се исклучително атрактивниот изглед и трајност. Иглите ѝ се зелени, широки и сјајни. Тие траат и по неколку недели. Секој украс изгледа преубаво на оваа елка.
Обичен бор
Борот има многу предности. Пред сè, емитува интензивен, смолест мирис. Предноста на борот е тоа што неговите иглички се многу издржливи и тие речиси не паѓаат. Имаат темнозелена боја (потемна од смреката), тесни се, долги и се собрани во гроздови. Издатоците се крути, благодарение на што добро се чуваат украсните на божиќното дрво.
Текстот Што треба да знаете ако купувате природна новогодишна елка е превземен од Reporter.mk.