Времето во целата држава викендов ќе биде сончево и топло, со мала до умерена облачност. Ќе дува слаб до умерен ветер од југозападен правец, соопшти УХМР. Минималната температура ќе биде во интервал од 1 до 6 степени, а максималната од 21 до 27 степени.
Во Скопје, сончево и топло со мала облачност. Ќе дува слаб ветер од југозападен правец. Минималната температура ќе се спушти до 4, а максималната ќе достигне до 25 степени.
Времето ќе се смени од понеделник. Метеоролозите најавуваат дека во понеделник ќе преовладува променливо облачно време со повремени врнежи од дожд, пообилни кон крајот на денот. Значителна промена на времето се очекува во вторник, проследена со опаѓање на температурата, пообилни врнежи од дожд, а на повисоките планини се очекуваат и врнежи од снег.
Текстот Викендов сончево и топло, од понеделник дожд е превземен од Reporter.mk.