Актерката Рут Вилсон (36) пред неколку месеци за магазинот „Радио Тајмс“ се пожалила дека зема помалку пари за тоа што го работи. Рут ја глумела Алисон Бејли во серијата „Афера“, а за улогата во 2015 година ја освоила наградата „Златен глобус“ за најдобра актерка.
Продуцентите, како што пишува британски „Дејли мејл“, ја казниле Вилсон затоа што била незадоволна од износот на својата плата и нееднаквоста на сетот. Го убиле ликот на Алисон во четвртата сезона, велејќи во сценариото дека сторила самоубиство со давење во близина на нејзиниот дом. Фановите коментирале дека ваквата одлука била шокирачка.
Една од актерките во серијата, Сара Трим (38), изјавила вчера дека одлучиле да биде тргнат ликот затоа што Вилсон изјавила дека сака да го напушти снимањето.
„Нè побараа и го дознавме тоа пред пишувањето на сценариото. Не беше тоа некое откритие и намерно го убивме нејзиниот лик. Всушност нејзините сцени ги снимивме од прва и пред оние други актери“, вели Трим.
Рут претходно коментирала дека „Златниот глобус“ не влијаел премногу на нејзината плата, која продуцентите не ја изедначиле со оние на машките колеги. Рут рекла дека актерот Доминик Вест (48), кој ја толкува главната улога како и таа, дефинитивно добива повеќе пари од неа.
„Не знам точно за која сума станува збор, но сигурна сум дека има поголема плата од мене“, изјавила Вилсон.
Таа додала дека за проблемот никогаш не разговарала со Вест и истакнала дека тоа е смешно.
„Тешко е да се почне разговор за тоа, но тоа треба да биде отворена расправа и мажите треба да ни помогнат во тоа. Не сакам повеќе пари, туку еднаква плата. Тоа значи дека можеби и мажите треба да добиваат помалце“, вели Рут.
Текстот Актерка се пожалила на платата, па ѝ го убиле ликот во серијата е превземен од Reporter.mk.