Алек Болдвин ќе мора да посетува курс за контрола на бесот

Актерот Алек Болдвин ќе мора да посетува курс за контрола на бесот, откако во средата пред судот во Њујорк ја признал вината дека удрил возач кој му го земал местото за паркирање.

Болдвин минатата година веднаш бил приведен по инцидентот кој го предизвикал на паркинг место. Тој решил да се пресмета со човекот кој што му го украл местото, а веднаш потоа бил приведен од страна на полицијата.

Болдвин бил ослободен по завршување на рочиштето во судот во Менхетен, под услов да заврши краток курс за контрола на бесот до следното рочиште, кое е закажано на 27 март, велат од обвинителството.

Актерот е познат по својата раздразливост. Не сакал да даде изјава ни за новинарите по излегувањето од судот. Болдвин бил уапсен во ноември минатата година, откако напданал еден човек, кој паркирал на местото на кое актерот замолил претходно друг човек да му го причува додека се врати.

Болдвин бил обвинет за вознемирување и физички напад, а по преговорите со обвинителот, тој ја признал вината за вознемирување, прецизирал портпаролот на обвинителството.

Алек е во брак со фитнес тренерот Хилари Болдвин, со која во мај го доби синот Ромео Алејандро Давид. Освен четримесечниот Ромео, сопружниците ја имаат и ќерката Кармен Габриел (4) и синовите Рафаел Томас (2) и Леонардо Ангел (1).

Алек Болдвин и Хилари се венчале во 2011 година, а актерот претходно беше седум години во брак со колешката Ким Басинџер (64) со која има ќерка, моделот Ајрланд Болдвин (22).

Текстот Алек Болдвин ќе мора да посетува курс за контрола на бесот е превземен од Reporter.mk.