Холивудскиот глумец Џаред Лето и неговиот бенд „Трти секндс то Марс“ изнајмија остров близу Шибеник во Хрватска за да го организираат музичкиот фестивал „Марс ајланд фестивал“. Фастивалот ќе се одржи од 9 до 12 август, а Џаред Лето и членовите на бендот преку социјалните мрежи веќе неколку дена ги канат луѓето да им се придружат на журката.
Тридневниот билет чини од 900 до 5.600 евра и ги вклучува сите активности, сместување и храна. Посетителите ќе можат да уживаат во концерти на бендот, но и во масажи, јога, медитација и многу други активности.
Лето претходно „Марс ајланд фестивал“ го организираше во Калифорнија и фестивалот беше многу популарен во САД.
„Ќе биде неверојатно, местото е лудница“, им порача Џаред на своите обожаватели преку „Инстаграм“.
Текстот Џаред Лето изнајми остров за журки во Хрватска е превземен од Reporter.mk.