Младиот турски актер Акин Акинозу, кој го игра главниот лик во хит-серијата Hercai, е на врвот на листата кога станува збор за најпосакуваните мажи во Турција. Јавноста, особено женскиот дел од публиката, беше изненадена кога во март на ТВ-екраните се појави атрактивниот актер, кој со својот изглед, но и глумата, фрли во сенка голем број популарни актери во Турција.
Акин, кој е на почетокот на својата актерска кариера, со улогата на Миран-ага покажа дека е одличен актер. Интересно за него е што тој е професор по математика, а заврши на престижниот американски универзитет „Беркли“.
„За мене, проучувањето на математиката е како проучување на универзалниот јазик. Јас го избрав ‘Беркли’ и брзо сфатив дека добро ми оди. Но, потоа решив да се занимавам со глума затоа што сум заинтересиран за односите и емоции што владеат со луѓето, но и проблемите меѓу нив“, изјави Акин во интервју за „Космополитен“.
Тој последниве неколку месеци е особено популарен. Дамите во Турција сметаат дека Акин наскоро ќе стане “Број 1 и дека ќе го земе местото на Бали Бег, кој веќе неколку години е на врвот“, пренесоа турските медиуми.
Серијата Hercai е на врвот според гледаност, но и според рејтингот во Турција. Адаптирана е според истоимената книга. Приказната за невозможната љубов која се раѓа од одмазда ги освои срцата на гледачите. Првата сезона се прикажа во Турција, а од септември актерската екипа се спрема за втората сезона. Секоја епизода има милионски прегледи.
Текстот (Галерија) Бали бег сериoзно загрозен, глумецот Акин Акинозу е новиот миленик на публиката е превземен од Reporter.mk.