Легендарниот крал на поп музиката Мајкл Џексон, доколку останеше жив, вчера ќе го прославеше својот 60 роденден. Пејачот кој почина пред девет години, по неговата смрт, неговото богатство се зголеми на една милијарда долари. Со тоа Мајкл Џексон стана најплатениот починат музичар.
Соборил 23 Гинисови рекорди, а примил и 40 Билборд награди и 26 награди на „Американ Мјузикл Авордс“. Заработил две ѕвезди на патеката на славните во Холивуд. Една за направена самостојна кариера, а друга како момче од бендот Џексон 5.
Неговото детство било далеку од совршено. Имал седум браќа и сестри, а дебатирал како шестгодишен во групата Џексон 5. Како млад постојано бил малтретиран од неговиот татко. За лузните кои му ги нанел раскажал неколку години пред неговата смрт во популарното шоу на Опра.
„Ако направев нешто погрешно, ќе се наљутеше и ќе ме натепаше. Постојано ми зборуваше за тоа колку сум грд и ми се исмеваше на мојот голем нос. Сеуште имам ноќни мори и комплекси. Имам проблеми со спиењето. Како дете се чувствував изолирано. Кога ќе ги видите снимките од концертот, тешко е да ја пропуштите мојата насмевка која постојано ја имав на лицето. Но со неа само ја криев нанесената болка“, изјавил Мајкл.
Мајкл не сака премногу да се навратува на минатото во детството, а за себе вели дека во тој период звучел како Мини Маус. Почнал соло кариера, а најголемиот подем следел набрзо потоа со најпродаваниот албум на сите времиња.
„Рзмислувате како Микеланџело кога ја насликал Сикстинската капела. Само небото е граница“, им рекол Мајкл на своите соработници кога работеле на „Thriller“.
Песната стана хит на сите радија и на листата на Билбоард каде се задржа 122 недели. Видеоспотот до ден денес важи за еден од најдобрите некогаш направени во музичката индустрија.
Текстот Мајкл Џексон да беше жив ќе наполнеше 60 години е превземен од Reporter.mk.