Поранешната голманка на „ Вардар“, Амандин Лејно живее со нејзината партнерка Анабела. Таа отворено раскажа за нивната љубов но и за нивните близнаци. Пред две години, раѓањето на нивните близнаци Марсел и Мила им го промени животот, раскажува Лејно, која е светски и европски шампион, олимписки вицешампион и дванаесеткратен шампион во националните првенства.
„Децата станаа вистинска тема на разговор, практично се дел од тимот. Тие се родија предвреме, поминаа неколку месеци на интензивна нега, речиси ги изгубивме. Преку ова искушение станавме свесни колку сме среќни што сме живи, тоа ме преобрази. Поминавме многу тешки моменти но сега е добро„, изјави Лејно за leparisien.fr.
Партнерката на Лејно ги роди близнаците во Скопје, додека таа беше дел од екипата на Вардар.
„Мојата партнерка Анабела ги роди нашите близнаци, но и јас ја преземам улогата на мајка од се срце. Да се биде мајка е улога на животот, имате поголема сила за своите деца отколку за себе, но близнаците се двојно повеќе работа. Имате две раце, не можете да ги носите истовремено, а секогаш имате впечаток дека не им давате доволно„, раскажа французинката ракомтарка.
Таа никогаш не сакаше да ја покажува во јавност нејзината партнерка.
„Не сакам да бидам етикетирана, јас сум личност задоволна и на теренот и во приватниот живот. Не се плашам од предрасуди. Моите најблиски го знаат тоа и ме сакаат каква што сум. Порано некои коментари ме повредуваа, но со тек на време научив да не ги прифаќам лично што многу ми помага да живеам целосно слободно„, вели Лејно. Според неа најважно е децата да бидат опкружени со љубов.
„Марсел и Мила знаат дека имаат две мајки, многу ме повредува кога велат дека татко и мајка треба да одгледуваат дете. Најважно според мене е децата да бидат опкружени со луѓе кои ги сакаат. Ние сме две мајки кои се сакаат и тие тука не гледаат проблем. Општетвото се развива различно и некои луѓе не можат да ги замислат работите поинаку, но секој има право на избор како ќе живее„, додава ракометарката Лејно.
Амандин Лејно по заминувањето од Вардар и од Скопје се реши да ја продолжи кариерата во Унгарија и веќе втора сезона е членка на европскиот првак Ѓер.
Текстот „Моите деца знаат дека имаат две мајки“, ракометарката на Вардар прозборе за својата партнерка и близнацит кои им се родија е превземен од Reporter.mk.