Се омажи ќерката на Наум Петрески

Анастасија, ќерката на македонскиот пејач Наум Петрески, и нејзиниот свршеник, пејачот Владимир Поповски, се венчаа вчера во Скопје. Освен младенците, во матично со нив беа само неколку сведоци кои први објавија слики од венчавката и кои открија дека Анастасија на своето презиме го додала презимето на Владимир.

Двојката, која го чека своето прво дете во март, наскоро ќе прави и свадба.

„Немаме закажано датум, но нашата свадба нема да биде класична. Поканите ќе бидат само за најблиските, тоа ќе биде приватна забава. Најслаткото допрва следува“, откри неодамна за „Репортер“ Владимир, кој е пејач на групата „Биоритам“.

Владимир и Анастасија се свршија на почетокот на минатата година, додека беа на зимување во Банско, Бугарија. Тие неодамна на социјалните мрежи се пофалија дека прославиле една година од свршувачката.

 

Текстот Се омажи ќерката на Наум Петрески е превземен од Reporter.mk.