Севернокорејскиот лидер Ким Џонг-ун беше во обиколка на новата подморница, со која вели дека планира да ги заплаши своите противници како што се САД и Јужна Кореја.
Државната агенција KCNA денес пренела дека подморницата ќе биде распоредена во Јапонското Море, но не даде подетални информации за опремата и локацијата на инспекцијата.
Лидерот особено внимание посветил на нејзините борбени системи.
„Врховниот лидер ги дознал сите детали за нејзините оперативни и тактички способности, како и за борбените системи“, навела KCNA.
Северна Кореја минатата недела предупреди дека заедничките воени вежби Вашингтон и Сеул би можеле да имаат последици по најавената обнова на преговори на САД, како и тоа дека Пјонгјанг може да го укине мораториумот на ракетни и нуклеарни проби.
Ким и претседателот на САД, Доналд Трамп, минатиот месец се сретнаа во демилитаризираната зона меѓу двете Кореи и се согласиле да продолжат со разговорите по повеќемесечна блокада. Во меѓувреме немало ниту еден состанок меѓу двете страни.
Во Јужна Кореја се наоѓаат речиси 30.000 американски војници, а нивните годишни маневри со десетина илјади јужнокорејски војници секогаш предизвикуваат бес кај Пјонгјанг.
Северна Кореја ваквите маневри ги смета за генерална проба, инвазија на своја територија.
Текстот Ким гради нова моќна подморница со која планира да ги нападне САД е превземен од Reporter.mk.