Коронавирус ќе трае повеќе од 18 месеци, открива таен документ на американската влада

Пандемијата коронавирус ќе трае и повеќе од 18 месеци, стои во документ на сојузната американска влада кој е напишан на 100 страни, а до кој дојдоа и новинарите на весникот „Њујорк тајмс“.

Наредните година дена би можеле да очекуваме повеќе нападни бранови од оваа болест, е наведено во документот. Ширењето и сериозноста со COVID-19 е нешто што тешко може да се предвиди и да се окарактеризира.

Колку повеќе случаи со COVID-19 се појавуваат во САД, значително повеќе луѓе кои се во ризичните групи ќе бидат хоспитализирани и тоа е нешто кое може да го оптерети здравствениот систем, стои во документот.

Документот кој е датиран од 13. март, е означен со „некласифициран“, но само за службена употреба и не е за јавна дистрибуција или пуштање во јавност.

Во документот, официјалните лица ги истражуваат одговорите кои владата би можела да ги превземе како одговор на епидемијата, која вклучува чекори кои веќе се превземени, како што се затворањето на школите и повикувањето на Законот за производство во области одбрани од 1950 година.

Потоа законот кој потекнува од Корејската војна и кои дозволува акции на присилување на индустријата да ги зголеми производните клучни опреми и залихи. За потсетување, во средата, на 18 март, американскиот претседател Доналд Трамп објави да се примени Законот за одбрамбено производство.

Два дена подоцна Трамп изјави дека истиот ќе стапи на сила, пренесува „Вашингтон пост“.

 

 

Текстот Коронавирус ќе трае повеќе од 18 месеци, открива таен документ на американската влада е превземен од Reporter.mk.