(ВИДЕО ИНТЕРВЈУ) Изложба на астрофотографии „20 години Скопско астрономско друштво“

Скопското астрономско друштво организира изложба по повод 20 години од постоењето на друштвото, со наслов „20 години низ објективот на Скопското астрономско друштво“. На изложбата ќе бидат презентирани најновите 35 астрофотографии, изведени во разни техники за фотографирање на ноќното небо и небесните објекти. Автори на фотографиите се членовите на Друштвото.

Радан Мировиќ од Скопското астрономско друштво во видеоинтерјву на „Макфакс“ ги повика сите заинтересирани граѓани да ја посетат изложбата, која ќе биде отворена на 7 декември во 20 часот во Домот на АРМ. Изложбата ќе трае до 16 декември, а е поддржана од Министерството за култура за финансиската поддршка и Министерството за одбрана за отстапениот изложбен простор.

Извор: Макфакс

Текстот (ВИДЕО ИНТЕРВЈУ) Изложба на астрофотографии „20 години Скопско астрономско друштво“ е превземен од USB.mk.