Австралиските астрономи од Универзитетот во Тасманија објавија студија во која се вели дека атмосферата на Плутон може целосно да исчезне во следните 10 години.
„Ние успеавме да изградиме сезонски модели на Плутон и како реагира на промените во зависност од количината на сончева светлина што ја прима, кога се врти околу сонцето. Откривме дека кога Плутон е најдалеку од Сонцето, азотот се замрзнува во атмосферата“, вели еден од авторите на студијата.
Ако пресметките на научниците се точни, а атмосферата на Плутон исчезнува, планетата ќе изгледа различно веќе од 2030 година.
За време истражувањето, научниците ги анализирале сезонските промени во површинскиот притисок на џуџестата планета користејќи ја техниката на обложување. За време на оваа техника може да се забележи како едно небеско тело го блокира светлото што влегува на Земјата од далечно небесно тело.
Забележано е дека во текот на изминатите 30 години, атмосферскиот притисок на Плутон се зголемил 3 пати.
„Моделите покажуваат дека поголемиот дел од атмосферата ќе кондензира надвор, додека скоро ништо нема да остане од неа. Нашите предвидувања сугерираат дека до 2030 година, целата атмосфера на планетата целосно ќе замрзне и исчезне“, дополнуваат австралиските научници.
Текстот За само 10 години, Плутон ќе изгледа многу поинаку е превземен од USB.mk.