Компанијата „Компас пулс“ го претстави својот нов проект – првиот „бесконечен базен“ со панорамски поглед од 360 степени кој ќе биде поставен на врв на облакодер во Лондон. Базенот London Infinity ќе биде единствен во светот од овој тип, а ќе биде изграден на врвот на облакодер висок 55 ката, па луѓето ќе пливаат на 200 метри над хоризонтот на Лондон и ќе имаат целосен поглед на градот.
За влез во базенот ќе има ротирачки спирални скали кои ќе бидат како во цевка и ќе ги водат пливачите до врвот на зградата.
Од компанијата велат дека базенот ќе биде направен од лиен акрил наместо од стакло и дека овој материјал бил избран оти има слична бранова должина со водата, а тоа му овозможува на базенот да изгледа сосема проѕирно. Подот на базенот е исто така проѕирен, па луѓето во внатрешноста на зградата ќе можат да ги гледаат пливачите над нив.
Текстот Дизајниран „бесконечен базен“ со поглед на Лондон е превземен од Reporter.mk.