Шестгодишно девојче се искачи на Килиманџаро

Шестгодишната Ешлин Мендрик од Велика Британија, стана најмладото девојче што се искачило на врвот на планината Килиманџаро во Африка. Подвигот на Ешлин ги воодушеви и искусните планинари, бидејќи таа одбивала каква било помош за време на искачувањето на надморска височина од 5.895 метри, пренесоа британските медиуми. Ешлин се надева дека еден ден ќе го освои и Монт Еверест.

Ешлин на експедицијата ја придружуваа нејзината мајка Викторија и 11-годишниот брат Николас. Искачувањето траело шест дена.

„Ешлин го собори рекордот што го држеше Монтана Кина од САД, и која до врвот стигна лани, на седум години и десет месеци. Горда сум на моето дете, тоа беше неверојатно искуство“, рекла мајката на Ешлин.

Најмладата личност што се искачила на Килиманџаро е Колтон Танер од Њу Мексико. Момчето во 2018 година го освои врвот на шест години и еден месец. Ешлин сега го држи рекордот во женска конкуренција.

Инаку, само две третини од сите што тргнуваат кон врвот Ухуру, успеваат да се искачат.

Текстот Шестгодишно девојче се искачи на Килиманџаро е превземен од Reporter.mk.