Бришењето прашина никому не му е задоволство, затоа што откако ќе ја избришеме – таа повторно паѓа. Сепак, постојат неколку супер трикови за тоа како помалку да ви се наталожува прашина во куќата.
Исчистете ги греалките и клима уредите
Таму може да се крие голема количина прашина, што значи дека вие ќе ја исчистите куќата, а прашината повторно ќе излета од овие уреди и ќе се наталожи врз стварите. Затоа е убаво повремено да ги исчистите со помош на правосмукалка.
Немојте да ја бришете прашината на суво
Бидејќи на тој начин, прашината само ќе се разлета и ќе се премести на друга површина. Затоа крпата со која бришете нека биде влажна додека бришете со неа затоа што на тој начин честичките ќе се задржат на крпата.
Спрејот за полирање немојте да го нанесувате директно на мебелот
Ако го правите на тој начин, тогаш само ризикувате дека на мебелот ќе се створат слоеви кои подоцна само ќе привлекуваат прашина. Наместо директно нанесување на мебелот, спрејот за полирање најпрво испрскајте го по крпата, па со неа нанесете го на мебелот.
Редовно менувајте ги филтрите на правосмукалката
Филтрите се дизајнирате токму поради тоа да фаќаат и да задржуваат честички прашина. Ако не ги менувате, прашината после чистењето нема да се задржи во правосмукалката, туку ќе лета низ просторот и ќе се наталожува врз мебелот.
Текстот Супер трикови за помалку прашина во домот е превземен од Reporter.mk.