Од пештерата во Тајланд, денеска се извлечени уште четири деца, со што досега се спасени осуммина, пишува новинската агенција АП. Во моментов остануваат заробени уште четири деца и нивниот 25-годишен тренер. АП информира дека тајландските спасувачки служби се таинствени и не соопштуваат детали за тоа како се одвива спасувачката операција.
8th boy rescued from the Thai cave
BREAKING: An 8th boy has been rescued from the Thai cave as operations to free the youth soccer team continue. Four boys and their coach remain inside the cave. Live updates: https://cnn.it/2KMA4bC
Gepostet von CNN am Montag, 9. Juli 2018
Спасувачите во провинцијата Чианг Раи на северот на Тајланд влегуваат во пештерата со шишиња кислород и маски за децата, а потоа ги извлекуваат со помош на јаже кое минува низ кривулестите и тесни премини долги неколку километри. Спасувачката акција е комплицирана оти дел од децата се непливачи, па мораа да бидат обучувани од страна на тајландски и странски нуркачи пред да се направи обид за нивно спасување.
Дванаесет деца на возраст од 11 до 16 години, членови на јуниорски фудбалски тим, заедно со нивниот тренер беа заглавени во пештерата од 23 јуни.